Azərbaycan, Bakı, 14 oktyabr / Trend , müxbir N.İsmayılova/
Unibank Macarıstanın OTP Bankı ilə razılaşmaya son qoyub, bankın Müşahidə Şurasının sədri Eldar Qəribov MDB ölkələrinin Bakıda keçirilən II Beynəlxalq Bank Konfransında jurnalistlərə deyib.
"Macarıstanın OTP Bankı ilə razılaşma dünya maliyyə böhranı ilə əlaqədar dayandırılıb. Unibank-ın almaq və genişlənmək marağı qalmadığı üçün razılaşma dondurulub", - Qəribov deyib.
Onun sözlərinə görə, OTP Bank Azərbaycan bankının 51 faizinə iddia edirdi.
Daha əvvəl məlumat verilmişdi ki, OTP Groupun Unibank-ın səhmlərinin alınması barədə danışıqları başa çatıb. OTP-nin Azərbaycanda bank almaq planı onun Rusiya və MDB ölkələrində genişlənməsini nəzərdə tuturdu.
