Azərbaycan, Bakı, 20 oktyabr / Trend , müxbir N.İsmayılova/
Böyük Britaniya Azərbaycana yatırılan investisiya həcminə görə lider mövqeyini saxlamağa davam edir və sentyabrda xarici investisiyaların ümumi həcmində onun xüsusi çəkisi 45,6 faiz təşkil edib, bu barədə çərşənbə axşamı Dövlət Statistika Komitəsindən bildirilib. Onun investisiyaları 417,02milyon manat təşkil edib.
Sentyabr ayı ərzində xarici ölkələr və beynəlxalq investisiya təşkilatları tərəfindən Azərbaycan iqtisadiyyatına yatırılan sərmayənin 84,7 faizi (774,1 milyon manat) Böyük Britaniya, ABŞ, Yaponiya, Norveç, Fransa, Çexiya və Türkiyədən olan investorların payına düşür.
Amerika investisiyası 144,77 milyon manat (xüsusi çəkisi 15,8 faiz), Yaponiya 75,6 milyon manat (8,3 faiz), Norveç 47,12 milyon manat (5,2 faiz), Fransa 33,1 milyon manat (3,6 faiz), Türkiyə 37,4 milyon manat (4,1 faiz), Çexiya 19,1 milyon manat (2,1 faiz), Koreya 6,19 milyon manat (0,7 faiz), BƏƏ 3,64 milyon manat (0,4 faiz), Səudiyyə Ərəbistanı 1,14 milyon manat (0,1 faiz), Avstriya 1,72 milyon manat (0,2 faiz), İsveç 10,15 milyon manat (1,1 faiz), İtaliya 402 min manat, Almaniya 0,5 min manat, Qazaxıstanın investisiyası 1,46 milyon manat (0,2 faiz) təşkil edib.
Beynəlxalq maliyyə institutlarından ən böyük investisiya həcmi - 63,7 milyon manat (xüsusi çəkisi 7 faiz) Dünya Bankı tərəfindən qoyulub. Asiya İnkişaf Bankı Azərbaycanda layihələrin həyata keçirilməsinə 25,4 milyon manat (2,8 faiz), Avropa Yenidənqurma və İnkişaf Bankı 19,01 milyon manat, İslam İnkişaf Bankı 2,26 milyon manat (0,2 faiz), Küveyt İqtisadi İnkişaf Fondu 4,97 milyon manat (0,5 faiz) yatırıb.
Oktyabrın 20-nə olan cari məzənnə 0,8029 AZN/USD təşkil edir.
Məqalə müəllifi ilə əlaqə ünvanı: [email protected]
