...

Azərbaycanda işsizlik ilin əvvəlindən 3.4 faiz azalıb

Biznes və iqtisadiyyat xəbərləri Materials 20 Oktyabr 2009 14:33 (UTC +04:00)

Azərbaycan, Bakı, 20 oktyabr/ Trend , müxbir N.İsmayılova/

Azərbaycanda oktyabr 1-nə işsizlərin sayı 42952 nəfər təşkil edib ki, onların da 44.6 faizini qadınlar təşkil edib. Bu barədə çərşənbə axşamı Dövlət Statistika Komitəsindən bildirilib. Yanvar-sentyabr ayları ərzində işsizlərin sayı 3.4 faiz azalıb. Ölkədə bir vakant yerə üç işsiz iddia edir.

Hesabat dövrü ərzində ölkənin işləyən əhalisi 4329 nəfər təşkil edib. Cari ilin yanvar-avqust aylarında muzdla işləyənlərin sayı 1377,8 min nəfər təşkil edib.

İstehsalat sahəsində muzdla işləyənlərin 12.2 faizi sənaye sahəsində, 4,9 faizi tikinti, 2,8 faizi kənd, meşə və balıçılıq təsərrüfatında çalışır. Xidmət sahəsində işləyənlərin 25,5 faizini təhsil, 19,6 faizini topdan və pərakəndə ticarət, avtomobil, məişət məmulatları və şəxsi istifadə əşyalarının təmiri, 10,1 faizini səhiyyə və sosial xidmət, 6.8 faizini nəqliyyat, rabitə, 6,3 faizini kommunal, sosial və xüsusi xidmət sahəsində, 5 faizini daşınmaz əmlak və icarə əməliyyatlarında, 4,2 faizini dövlət idarəetməsi və müdafiə sahəsində, 2,6 faizini isə digər sahələrdə çalışanlar təşkil edir.

Yanvar-avqust aylarında iqtisadi fəaliyyətlə məşğul olan əcnəbilərin sayı beş min nəfər təşkil edib ki, bunun da 1,4 min nəfəri sənaye, 1,6 min nəfəri tikinti, 0,7 mini əmlak əməliyyatlarında, 0,6 faizi ticarət, 0,4 faizi təhsil, 0,3 faizi isə digər sahələrdə fəaliyyət göstərib.

İşsizlik üzrə yardımın orta aylıq məbləği 173 manat təşkil edir.

Oktyabrın 20-nə olan rəsmi məzənnə 0,8029 AZN/USD təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti