Azərbaycan, Bakı, 20 oktyabr /Trend capital, müxbir N.İsmayılova/
Doqquz ayın yekunlarına görə, Azərbaycanda 2009-cu ildə orta aylıq əmək haqqı 296,6 manat təşkil edib. Bu göstərici ötən ilin müvafiq dövrü ilə müqayisədə 15,5 faiz çoxdur, Dövlət Statistika Komitəsindən məlumt verilib.
Ən yüksək əmək haqqı hasilat sənayesində, maliyyə fəaliyyəti sahəsində, daşınmaz əmlakla əməliyyat, istehlakçı və icarə sahəsində, həmçinin inşaat sektorunda qeydə alınıb.
Müəssisə və təşkilat işçiləri 8,8 milyon manatlıq sosial yardım alıblar. Bunlar əsasən hasilat sənayesi işçiləri, elektrik, qaz və su istehsalı və paylanması müəssisələri işçiləri, emal sənayesi işçiləri, rabitə və nəqliyyat sahəsində çalışan işçilərdir.
Yanvar-sentyabr aylarında adambaşına düşən nominal gəlir 1824,5 manat təşkil edib. Bu göstərici ötən ilin müvafiq dövrü ilə müqayisədə 8,4 faiz artıb. Adambaşına düşən real pul gəlirləri isə 8,4 faiz artaraq 1638 manat təşkil edib.
Doqquz ayın yekununa görə, Azərbaycanın nominal pul gəlirləri 16,08 milyon manat olub ki, bu göstərici də ötən ilin müvafiq dövrü ilə müqayisədə 9,8 faiz çoxdur. Əhalinin real pul gəlirləri bu dövr ərzində 9,8 faizlik artımla 14,44 milyon manata çatıb.
Hesabat dövrü ərzində əhali şəxsi gəlirlərindən 67,2 faizni malların əldə edilməsinə, 10,2 faizi sosial sığortaya, vergilərin və üzvlük haqlarının ödənilməsinə, 22,6 faizni isə kapitalın yığılmasına və artırlmasına yönəldib.
20 oktyabra olan cari məzənnə 0,8029 AZN/USD təşkil edir.
Məqalə müəllifi ilə əlaqə ünvanı: [email protected]
