Azərbaycan, Bakı, 22 oktyabr / Trend /
Yanvar-avqust aylarında Azərbaycanda 1,2 milyon tona yaxın sement və sement klinkerləri idxal edilib ki, bu da 2008-ci ilin müvafiq dövrü ilə müqayisədə 17 faiz azdır. Bu barədə Dövlət Statistika Komitəsindən məlumat verilib. Bu dövr ərzində təxminən 42.5 milyon dollarlıq sement və sement klinkerləri idxal edilib ki, bu da ötən ilin müvafiq dövrü ilə müqayisədə 21.2 faiz azdır.
Yanvar-avqust aylarında 431.4 min ton həcmində sement klinkerləri idxal edilib ki, bu da keçənilki göstəricidən 29.9 faiz azdır. İdxal edilən klinkerlərin ümumi məbləği 13,6 milyon dollar olub. Bu, ötən ilin göstəricisindən 27,3 faiz azdır.
Yanvar- avqust ayları ərzində ölkəyə 767.6 min tona yaxın sement idxal edilib ki, bu da 2008-ci ildəki göstəricidən 7.5 faiz azdır. Bu dövrdə idxal edilən sementin həcmi 29 milyon dollar olub. Bu, keçən ilin göstəricisindən 17.9 faiz azdır.