Azərbaycan, Bakı, 22 oktyabr / Trend , müxbir Ü.İsmayılova /
Azərbaycanda avtomobil sığortasının fiziki şəxslər üçün artıq Maliyyə Nazirliyi tərəfindən hazırlanan və Azərbaycan Sığortaçılar Assosiasiyasına bazar iştirakçıları ilə müzakirə olunması üçün təqdim edilən vahid qaydaları tətbiq ediləcək. Bu barədə cümə axşamı nazirlik nəzdində Dövlət Sığorta Nəzarəti Xidmətinin başçısı Namiq Xəlilov bildirib.
Assosiasiyanın icraçı direktoru Qafar Məcidovun sözlərinə görə, sığortaçılar üçün avtomobil sığortasının vahid qaydaları assosiasiyanın hüquq komitəsində müzakirə ediləcək və yaxın iki həftə ərzində nazirliyə təqdim ediləcək.
"Vahid qaydalar ölkənin sığorta bazarında mədəni rəqabətin təmin edilməsi məqsədi ilə tətbiq ediləcək", - Məcidov deyib.
Onun sözlərinə görə, hazırda sığortaçılar öz müştərilərinə müxtəlif şərtlər təklif edir ki, bu da sığorta bazarının ümumi inkişafına mane olur.
"Yeni tələbələrin tətbiqi ilə Azərbaycan sığortaçıları yalnız tarif və ödəmə həcmlərinə görə rəqabət apara bilər", - Məcidov bildirib.
Azərbaycanda 28 sığorta və bir təkrar sığorta şirkəti fəaliyyət göstərir. Doqquz ayın yekunlarına əsasən şirkətlərin haqları 130,18 milyon manat, ödəmələri 38,22 milyon manat təşkil edib. Doqquz ay ərzində avtomobil sığortası üzrə sığortaçıların ümumi haqları 23,67 milyon manat, ödəmələri isə 12,35 milyon manat təşkil edib.
Oktyabrın 22-nə olan rəsmi məzənnə 0,8031 AZN/USD təşkil edir.
Məqalə müəllifi ilə əlaqə ünvanı: [email protected]
