Azərbaycan, Bakı, 26 oktyabr / Trend , müxbir N.İsmayılova/
2009-cu ilin əvvəlindən dövlət mülkiyyətində olan 620 qeyri-yaşayış və torpaq sahəsi hüquqi və fiziki şəxslərə icarəyə verilib. Bu barədə Əmlak Məsələləri Dövlət Komitəsindən bazar ertəsi verilən məlumatda deyilir.
Hesabat dövrü ərzində dövlət əmlakının icarəsindən dövlət büdcəsinə dörd milyon manat həcmində vəsait daxil olub. Beləliklə, doqquz ayın yekunlarına görə, icarədən dövlət büdcəsinə daxil olan vəsait 110 faiz yerinə yetirilib.
750 icarəçiyə icarə borcunun gecikdirilməsi haqqında xəbərdarlıq məktubu göndərilib.
Yanvar-sentyabr ayları ərzində tətbiq edilmiş avtomatlaşdırılmış ödəmə sistemi vasitəsilə icarədarlar tərəfindən təxminən 8000 ödəmə həyata keçirilib.
Oktyabrın 1-nə olan vəziyyətə görə, dövlət əmlakının reyestrində 6273 hüquqi şəxs statuslu dövlət müəssisəsi və onların 4626 filialının mülkiyyətində olan 120 687 daşınmaz əmlak obyekti haqqında məlumat qeydiyyata alınıb.
Məqalə müəllifi ilə əlaqə ünvanı: [email protected]
