Azərbaycan, Bakı, 27 oktyabr / Trend , müxbir Ü.İsmayılova/
2009-cu ilin yekunu üzrə Azərbaycanın bütün sığorta şirkətlərinin müşrərək haqlarının həcmi 2008-ci ilin göstərici səviyyəsində qala bilər. Bu barədə Azərbaycan Sığortaçılar Assosiasiyasının və "Atəşgah" SŞ-nin İdarə Heyətinin sədri Azər Əliyev çərşənbə axşamı bildirib.
"Yığılmaların həcmində 10 faizlik artma və ya azalma yönündə dəyişiklik ola bilər, bu, sığorta bazarındakı hadisələrin inkişaf tempindən asılı olacaq", - Əliyev deyib.
Onun sözlərinə görə, keçən il bazarın artımı əsasən avtosığortanın hesabına təmin edilib, bu il isə bank kreditləşməsinin azalması səbəbindən bu sahədə artım müşahidə edilməyib.
"Güman edirəm ki, gələn ildə də avtosığorta bazarın artımına keçən ildə olduğu kimi bu miqyasda təsir göstərəcək", - Əliyev deyib.
Əliyev hesab edir ki, böhran öz portfellərini avtosığortanın hesabına formalaşdıran şirkətlərin fəaliyyətlərinə müsbət təsir göstərib. Lakin elə şirkətlər də var ki, bazardakı vəziyyətə görə müştəri cəlb etmək məqsədilə daima yeni məhsullar və proqramlar tətbiq edir. Bunun nəticəsində bütün bunlar ölkənin sığorta bazarı inkişafına təsir göstərir.
Azərbaycanda fəaliyyət göstərən 28 sığorta şirkətinin haqlarının ümümi həcmi 2008-ci ildə 179,26 milyon manat təşkil edib. Avtomobil sığortası üzrə 18,02 milyon manatlıq ödəmələrlə 56,9 milyon manat yığılıb. 2009-cu ilin yanvar-sentyabr aylatında sığorta şirkətləri 38,22 milyon manatlıq ödəmələrlə 130,18 milyon manat yığıb. Üç rüb ərzində avtomobil sığortası üzrə 12,35 milyon manatlıq ödəmələrlə 23,67 milyon manat sığorta haqqı yığılıb.
Oktyabrın 27-nə olan rəsmi məzənnə 0,8032 AZN/USD təşkil edir.
Məqalə müəllifi ilə əlaqə ünvanı: [email protected]
