Azərbaycan, Bakı, 29 oktyabr / Trend , müxbir E.İsmayılov/
Azərbaycanda fəaliyyət göstərən "AzBelTraktor" Azərbaycan-Belarus birgə müəssisəsinin Türkiyədə nümayəndəliyi açılıb. Bu Azərbaycanda yığılan trasktorların satış bazarını təmin etmək üçündür. Bu barədə Gəncə avtomobil zavodunun direktoru Xanlar Fətiyev cümə axşamı deyib.
Nümayəndəliyin açılması Türkiyədə Gəncə avtomobil zavodunda yığılan Belarus istehsalı olan traktorların satışına imkan yaradacaq.
Azərbaycan-Belarus birgə müəssisəsi məhsullarını İran, Gürcüstan və ola bilsin ki, Rusiyanın cənubuna satmağı planlaşdırır. BM-in illik gücü 8-10 min traktor təşkil edir.
Hazırda Gəncə avtomobil zavodu daxili bazarın ehtiyatını ödəmək üçün Minsk traktor zavodunun məhsullarını yığır. Minsk avtomobil və traktor zavodunun istehsalı olan yük avtomobilləri və traktorlarının bütün hissələrinin Azərbaycanda yığılması və satışına dair müqavilə 2006-cı il noyabrın sonunda Minskdə imzalanıb.
Gəncə Azərbaycanın qərbində, Bakının 265 kilometrliyində yerləşir.
Məqalə müəllifi ilə əlaqə ünvanı: [email protected]
