Azərbaycan, Bakı, 30 oktyabr / Trend , müxbir N.İsmayılova/
"Bank of Baku"-nun xalis gəliri sentyabr ayı ərzində 7,2 faiz artaraq oktyabrın 1-də 6,25 milyon manat təşkil edib. Bu barədə cümə günü bankdan yayılan məlumatda deyilir. Sentyabr ayının yekunlarına görə, bankın mədaxili 28,26 milyon manat təşkil edib.
Sentyabr ayı ərzində bankın aktivləri 1,8 faiz artaraq 179,3 milyon manat təşkil edib.
Hesabat dövrü ərzində bankın depozit portfeli 1,3 faiz artaraq 130,5 milyon manat təşkil edib. Bu vəsaitin 66,63 milyon manatı fiziki şəxslərin əmanətləri, 63 milyon manatı isə hüquqi şəxslərin depozitləri olub.
Sentyabr ayı ərzində bankın kredit potfeli 1,7 faiz artaraq 135,33 milyon manat təşkil edib. Avqustun yekunlarına görə bu göstərici 133,05 milyon manat təşkil edib. Bankın kredit potfelində istehlakçı kreditlərinin payı oktyabrın 1-də 83,7 milyon manat, ticari kreditlərin payı isə 50,33 milyon manat təşkil edib.
Bankın müştərək kapitalı oktyabrın 1-də 33,15 milyon manat təşkil edib. Sentyabrın 1-də bu göstərici 32,73 milyon manat olub. Bankın ödənilmiş nizamnamə kapitalı 6,8 milyona bərabərdir.
Oktyabrın 30-na olan rəsmi məzənnə 0,8032 AZN/USD təşkil edir.
Məqalə müəllifi ilə əlaqə ünvanı: [email protected]