Azərbaycan, Bakı, 31 oktyabr / Trend , müxbir Ü.İsmayılova/
Azərbaycan Dövlət Gömrük Komitəsi (DGK) gömrük rəsmiləşdirmələrində "vahid pəncərə" prinsipini tətbiq etməyi planlaşdırır. Bu haqda DGK-nin məlumatında deyilir.
"Sərhəd-buraxılış məntəqələrində informasiya-kommunikasiya texnologiyalarının tətbiqi, o cümlədən "vahid pəncərə" sisteminə keçid "elektron gömrük"ün yaradılması çərçivəsində həyata keçirilir. Bu haqda Gömrük Komitəsindən məlumat veriblər.
Butün bunlar haqda kollegiyanın cari vəziyyətin və sərhəd-keçid məntəqələrində yüklərin və nəqliyyat vasitələrinin yoxlanılması zamanı "vahid-pəncərə" prinsipinin tətbiqində yaranan problemlərin müzakirəsinə həsr olunmuş iclasında məlumat verilib. İclas DGK sədrinin müavini Əsgər Abdullayevin sədrliyi ilə keçirilib.
Gömrük Komitəsi nəzdində yaradılan komissiya, iclas iştirakçılarını "vahid pəncərə" və "vahid dayanacaq" prinsipinin tətbiqi ilə bağlı carı vəziyyətlə, onların tətbiqi və təhlükəsizliyinin təmin olunma keyfiyyəti, həmçinin "vahid pəncərə" sisteminin istifadəsi zamanı yaranan problemlərlə tanış edib.
Azərbaycan Dövlət Gömrük Komitəsi Azərbaycan Prezidentinin 2008-ci il 11 noyabr tarixli fərmanına əsasən, 2009-cu il 1 yanvar tarixindən "vahid pəncərə" prinsipi üzrə fəaliyyət göstərir. Fərmanda deyilir ki, "Şimal-Cənub" dəhlizi və "İpək yolu"nun Azərbaycan üçün vacib olduğunu nəzərə alsaq, dövlət sərhədlərinin buraxılış məntəqələrinin imkanlarının yaxşılaşdırılmasının da vacib olduğunu görərik.
Məqalə müəllifi ilə əlaqə ünvanı: [email protected]
