Azərbaycan, Bakı, 18 noyabr / Trend , müxbir Ü.İsmayılova/
Azərbaycanda oktyabrın 1-nə olan ictimai vəziyyətə görə 291 288 nəfər 34,5 manat məbləğində sosial müavinət alıb. Bu barədə Azərbaycan Dövlət Statistika Komitəsindən bildirilib.
Onlardan 17 843 nəfəri yaşına görə orta hesabla ayda 45 manat, 92 166 nəfəri əlilliyə görə 35,49 manat, 31 721 nəfəri ailə başçısını itirdiyinə görə 40 manat alıb.
Bu dövr ərzində ölkədə, həmçinin 18 yaşadək olan 58 352 uşaq əmək qabiliyyətini itirdiyinə görə ayda orta hesabla 50 manat, kommunal, nəqliyyat və digər xərcləri ödəmək üçün 55 dövlət qulluqçusu 24,48 manat, 55 911 nəfər isə 24,35 manat alıb.
9 ay ərzində ölkədə istehsalat prosesi zamanı ailə üzvünü itirməsi ilə əlaqədar 803 nəfər ayda orta hesabla 49,75 manat alıb.
Dövlət Statistika Komitəsinin məlumatına görə, 22 414 uşaq üçün sosial müavinət orta hesabla ayda 49,75 manat, bir yaşa qədər olan 11 032 uşaq üçün 20 manat, həmçinin qəyyumluqda olan və valideynlərini itirən 991 uşaq üçün 25 manat təşkil edib.
Bu dövr ərzində 77 239 vətəndaşa 46,79 manat məbləğində müxtəlif müavinətlər verilib: 68 370 anaya, 70 885 uşağa, o cümlədən radiasiya şüası almış 4 956 adama, dəfn xərclərini ödəmək üçün 1 398 adama orta hesabla 150 manat təqdim olunub.
Noyabrın 18-nə olan rəsmi məzənnə 0,8029 AZN/USD təşkil edir.
Məqalə müəllifi ilə əlaqə ünavnı: [email protected]