Azərbaycan, Bakı, 28 dekabr / Trend , müxbir N.İsmayılova/
2009-cu ilin yanvar-sentyabr aylarında Azərbaycan iqtisadiyyatında xarici kapitalın ümumi həcmi 4,1 miyard dollar təşkil edib. Bu barədə Azərbaycan Mərkəzi Bankının ödəmə balansından deyilib. Bu göstəricinin əsasını ölkə iqtisadiyyatına cəlb edilmiş birbaşa investisiyalar və xarici kreditlər təşkil edib.
Birbaşa investisiyaların ümumi həcmi ölkə iqtisadiyyatında 2104,9 milyon dollar təşkil edib ki, burada neft-qaz sektorunun xüsusi çəkisi 75,2% təşkil edir. Bu investisiyalar əsasən bp Exploration Ltd (Şahdəniz) və АBƏŞ tərəfindən "Azəri-Çıraq-Günəşli" yataqlarında iri neft-qaz layihələri çərçivəsində keçirilən işlərin maliyyələşdirilməsi üçün istifadə olunub.
İqtisadiyyatın qeyri-neft sektorunda birbaşa investisiyalar xarici kapital şəklində 521,9 milyon dollar həcmində qoyulub ki, bu da ötən ilin analoji dövr göstəricisindən 8,8% çoxdur. Onların xüsusi çəkisi xarici investisiyaların ümumi həcminin 24,8 faizini təşkil edib.