Türkmənistan, Aşqabad, 30 dekabr / Trend , müxbir H.Həsənov/
Dünyanın aparıcı konsernlərindən birin olan Fransanın "Buiq" şirkəti Türkmənistan hökumətindən yüz milyonlarla dəyəri olan Aşqabadda bir sıra inzibati binaların inşasına dair yeni sifarişlər alıb.
Müvafiq sərəncam Prezidenti Qurbanqulu Berdiməhəmmədov tərəfindən imzalanıb. İşlər 2010-cu ilin yanvar-fevral aylarında başlayacaq. İmzalanma mərasimindən əvvəl Türkmənistan prezidenti vurğulayıb ki, bu gün ölkədə inşa edilən hər bir yeni obyekt orijinal arxitekturası ilə fərqlənməli və bütün kriteriyalar üzrə yüksək keyfiyyət standartlarına cavab verməlidir. Layihəyə əsasən 2012-ci ilin fevral ayında XİN yanında Beynəlxalq Əlaqələr İnstitutunun ümumi sahəsi 31 532 kvadratmetr olan kompleks binası inşa ediləcək. Müqavilənin dəyəri 80 milyon dollar təşkil edir.
Həmçinin İdman və Turizm Milli İnstitutunun layihələndirilməsi və inşası üzrə müqavilə də imzalanıb.
Fransız şirkəti Türkmənistan Dövlət Kommersiya Bankı üçün ümumi sahəsi 15 500 kvadratmetr olan və 45 milyon dollara yaxın avadanlıqla tam təmin edilən ofis binası inşa edəcək.
Türkmənistanın Prezident Aparatının işlər müdiri Milli Məclis üçün əlavə korpusun tikintisini sifariş edib. Korpusun ümumi sahəsi 3 228 kvadratmetr, dəyəri isə 18 milyondan çox olacaq. Obyekti 2011-ci ilin avqustunda təhvil vermək planlaşdırılır.