Gürcüstan, Tbilisi, 4 yanvar / Trend , müxbir N.Kirtsxalia/
1 noyabr 2009-cu il vəziyyətinə görə Gürcüstanın kommersiya banklarına yerləşdirilmiş depozitlərin həcmi (cari hesab, sahibkarlıq, kənd təsərrüfatı sektorunun təcili depozitləri və həmçinin ödənilməmiş faizlər daxil olmaqla) 3,2 milyard lari səviyyəsində qalıb (1 dollar = 1,68 lari).
Gürcüstanın Milli Bankından Trend a bildirildiyi kimi, noyabrda ötən aya nisbətdə cari hesabların azalması sahibkarlar və kənd təsərüfatı sektoru üçün 4,2 faiz, təcili depozitlər üçün isə 1,7 faiz yer alıb.
1 dekabr 2009-cu ilə görə depozitlərin dollarlaşma əmsalı 71,4 faiz təşkil edib ki, bu da noyabrın birində olan vəziyyətə görə 1,6 faiz aşağıdır. Depozitlərə orta illik faiz dərəcəsi 9,2 faiz, o cümlədən milli valyuta ilə yerləşdirilmiş depozitlər 10,6 faiz, xarici valyuta ilə yerləşdirilmişlər isə 9,1 faiz təşkil edir.
Xarici valyuta ilə yerləşdirilmiş depozitlərin dollarla hissəsi 77,1 faiz, avro ilə 21,9 faizdir.
