Azərbaycan, Bakı, 06 yanvar / Trend , müxbir Ü.İsmayılova/
"2010-cu ilin birinci yarısında Azərbaycanın daşınmaz əmlak bazarında qiymətlərin 10-13 faiz aşağı düşəcəyi gözlənilir", -bu barədə çərşənbə günü, "MBA Group" konsaltinq şirkətinin Baş direktoru Nüsrət İbrahimov deyib.
"Bazarda bu cür tendensiya həm dünya iqtisadiyyatında olan vəziyyətlə, həm də daşınmaz əmlak üzrə ölkə daxili bazarda tikinti sektorundakı vəziyyətlə bağlıdır", - İbrahimov deyib.
Onun sözlərinə görə, qiymətlər ilin ikinci yarısında stabilləşəcək, lakin qiymətlər ən yaxşı halda indiki qiymətlər səviyyəsində, pis halda isə bundan da aşağı səviyyədə olacaq.
Həmin dövrdən başlayaraq bazarın fəallığı həmçinin 15-18 faiz artacaq, İbrahimov belə hesab edir.
"Fəallığın artımı ikinci mənzil bazarı hesabına gözlənilir", - İbrahimov deyib.
