Azərbaycan, Bakı, 17 fevral / Trend , müxbir Ü.İsmayılova/
Yanvar ayında Azərbaycanda ümumi dəyəri 489,7 milyon manat olan 1780 obyektin tikintisinə icazə verilib. Bu barədə çərşənbə günü Azərbaycan Dövlət Statistika Komitəsindən bildirilib.
Tikintisinə icazə verilmiş obyektlərin ümumi sayından 1,5 milyon manat dəyərində 12 obyekt kənd təsərrüfatının, 9,7 milyon manat dəyərində 9 obyekt sənayenin, 23,7 milyon manat dəyərində 603 obyekt ticarət və xidmət obyektlərinin, 89,6 milyon manat dəyərində 5 obyekt nəqliyyatın, 210,9 milyon manat dəyərində 70 obyekt isə digər sahələrin payına düşüb.
"Həmin dövr ərzində həmçinin ümumi sahəsi 464 min kvadratmetr olan 1081 yaşayış evinin tikintisinə icazə verilib", - Statistika Komitəsindən bildirilib.
Fevralın 17-nə olan rəsmi məzənnə 0,8032 AZN/USD təşkil edir.