Azərbaycan, Bakı, 6 mart / Trend /
Azərbaycan Nəqliyyat Nazirliyinin "Azəryolservis" ASC nəqliyyatın hərəkətinin nizamlanması və tıxacların qarşısının alınması məqsədilə Təbriz və Koroğlu Rəhimov küçələrinin kəsişməsində avtomobil tuneli inşası üçün tender elan edib.
Tenderdə iştirak etmək istəyənlər ərizə və digər lazımi sənədləri aprelin 19-u saat 17:00-a kimi təqdim etməlidirlər. Tender təklifləri bank zəmanətləri ilə birlikdə aprelin 27-də saat 17:00-a kimi təqdim olunmalıdır.
Tender təkliflərindən ibarət zərflərin açılması aprelin 28-də saat 12:00-da baş tutacaq.
