Azərbaycan, Bakı, 31 mart / Trend , müxbir Ü.İsmayılova/
"Rəvan Sığorta" ASC-nin 2009-cu ildəki fəaliyyətinin yekunları üzrə aktivləri 6,88 milyon manat təşkil edib və il ərzində 24,36 faiz artıb. Bu barədə "Kompas Audit" şirkətinin rəsmi mətbuatda dərc olunmuş rəyində bildirilir.
Həmin dövrdə şirkətin uzunmüddətli aktivləri 182,9 min manat, uzunmüddətli aktivlər 6,7 milyon təşkil edib. Şirkətin depozit hesablarında qısamüddətli aktivlərin strukturunda 1,6 milyon manat cəmləşib.
Ötən il "Rəvan Sığorta"nın ödənilmiş nizamnamə kapitalı 1,96 milyon manat təşkil edib. Ötən ilin yekunları üzrə şirkətin mənfəəti (962,97 min manat səviyyəsində) və əvvəlki illərin paylanmamış mənfəətinin (163,83 min manat) nəzərə alınmaqla şirkətin məcmu kapitalı ilin yekunları üzrə 3,08 milyon manat təşkil edib. İlin əvvəlində bu göstərici 2,13 milyon manat təşkil edib.
Şirkətin uzunmüddətli öhdəlikləri 3,78 milyon manat, qısamüddətli öhdəlikləri 3,8 min manat, ümumilikdə kapitalı və öhdəlikləri 6,88 milyon manat təşkil edib.
Ötən ilin yekunları üzrə şirkətin gəlirləri 1,43 milyon manat, o cümlədən, sığorta haqlarından daxilolmalar - 3,55 milyon manat, təkrar sığorta haqları - 3,88 min manat, sığorta ödənişlərində təkrar sığortaçıların payı - 32,46 min manat, təkrar sığorta müqavilələri üzrə komisyon haqları - 67,3 min manat təşkil edib. Şirkətin investisiya gəlirləri 342,2 min manat səviyyəsində olub.
2009-cu ilin yekunları üzrə şirkətin xərcləri 1,22 milyon manat, o cümlədən, sığorta ödənişləri və sığorta məbləğləri ilə bağlı əməliyyat xərcləri - 545,87 min manat, sığorta haqlarının qaytarılması ilə bağlı - 46,5 min manat, sığorta haqlarının təkrar sığortaya verilməsi üzrə - 375,36 min manat, inzibati xərclər - 231,47 min manat təşkil edib.
2009-cu ildə "Rəvan Sığorta" 32,4 min manat məbləğində mənfəət vergisi, 1,65 min manat həcmində gəlir vergisi ödəyib. Sosial sığorta və təminat üzrə ödənişlər 13,97 min manat, iqtisadi sanksiyalar 1,05 min manat və s. təşkil edib.
"Star Alyans" Sigorta ASC hazırda "Rəvan Sığorta" adlandırılıb; Azərbaycan bazarında 1998-ci ildən fəaliyyət göstərir. Şirkət 2007-ci ildə "Ifsen group" səhmdarları tərəfindən "Nurgun Sirketler Qrupu"na satılıb. Şirkət sığortanın iki icbarı və 19 könüllü növü üzrə xidmət göstərir.
Martın 31-nə rəsmi məzənnə 0,8034 AZN/USD təşkil edir.
