Azərbaycan, Bakı, 8 aprel /Trend, müxbir Ü.İsmayılova/
Azərbaycan Nazirlər Kabineti fiziki şəxslər tərəfindən istehsal və ticarət məqsədlərini nəzərdə tutmayan əmtəə daşınması qaydalarına əlavələri təsdiq edib.
Düzəlişlərə əsasən, fiziki şəxslərin nərə balığı kürüsü daşımasına icazə verilir, halbuki əvvəllər "bütün balıqların kürülərinin daşınmasına" icazə verilirdi. Qaydalara əsasən, gömrük ərazidindən 125 qarmadək kürü keçirməyə icazə verilir.
Fiziki şəxslər istehsalat və ticarət məqsədlərini nəzərdə tutmayan məhsulları Azərbaycan sərhəd gömrüyündən heç bir gömrük ödəməsi etmədən keçirə bilərlər: fiziki şəxslər tərəfindən ümumi dəyəri 1000 dollar, yaxud ümumi çəkisi 50 kiloqramı ötməyən məhsulların aparılması (gətirilməsi); beynəlxalq poçt göndərmələri vasitəsilə ümumi dəyəri 200 dollar, yaxud ümumi çəkisi 20 kiloqramı ötməyən məhsulların göndərilməsi (qəbul edilməsi); qeyri-rezident fiziki şəxslərin (şəxsiyyəti təsdiq edən sənəddə iki təqvim ilindən artıq xarici ölkədə yaşamaq barədə qeydlərin olduğu halda) Azərbaycana daimi yaşayış üçün gəlməsi hallarında (yaxud qeyri-rezident fizki şəxslərin daimi yaşayış üçün Azərbaycandan getməsi hallarında) ümumi dəyəri 20 min dollar olan ailə üçün lazım olan məişət əşyaları müşaiyətedici, yaxud qeyri-müşaiyətedici yüklərdə sərhəd gömrüyündən keçirilməsi zamanı gömrük orqanlarının şəxsən elan etməsi ilə.
Qaydalara bu dəyişikliklər Dövlət Gömrük Komitəsi, İqtisadi İnkişaf Nazirliyi, Ekologiya və Təbii Sərvətlər Naziriyi və Ədliyyə Nazirliyinin birgə təklifi əsasında edilib.
Qərar imzalandığı gündən, aprelin 6-dan qüvvəyə minir.
