Azərbaycan, Bakı, 26 aprel /Trend, müxbir Ü.İsmayılova/
Azərbaycan Kənd Təsərrüfatı Nazirliyi istehsalın keyfiyyətinin yoxlanması üzrə monitorinqin nəticələrinə əsasən, birinci rübdə ölkənin müxtəlif regionlarında fəaliyyət göstərən altı araq-şərab məhsulları müəssisəsinin lisenziyasını dayandırıb. Bu barədə bazar ertəsi Kənd Təsərrüfatı Nazirliynin bitkiçilik məhsullarının istehsalına və emalına nəzarət üzrə şöbənin rəisi Sabir Vəliyev deyib.
"Məhsulların istehsal keyfiyyətinin pozulması, həmçinin, məhsulun istehsal həcminin plana uyğun olmaması səbəbindən müəssisələrin araq-şərab məhsullarının istehsalı üzrə lisenziyası geri alınıb", - Vəliyev bildirib.
Onun sözlərinə görə, minimal pozuntulara malik digər müəssisələrin qarşısında tələblər qoyulub. Azərbaycan ərazisində araq-şərab məhsulları üzrə 30-a yaxın müəssisə fəaliyyət göstərir.
Nazirlər Kabinetinin qərarına əsasən, hər ay monitorinq aparılır. Keyfiyyətsiz məhsullar aşkar olunduqda, yoxlanmaq üçün Kənd Təsərrüfatı Nazirliyi yanında dequstasiya komissiyasına təqdim olunur. Keyfiyyət uyğunsuzluğu müəyyən edildikdə istehsalat üçün lisenziyanın dayandırılması haqda qərar qəbul olunur.
