Azərbaycan, Bakı, 12 may /Trend, müxbir N.İsmayılova/
Azərbaycan əhalisinin sosial-ictimai, yaşayış tərzini yaxşılaşdırmaq üçün sosial ipotekaya 2010-cu ilin birinci rübündə 2,9 milyon manat dəyərində məbləğ ayrılıb, - ölkənin Maliyyə Nazirliyindən verilən məlumatda belə deyilir. Sosial ipotekanın maliyyələşdirilməsi üçün 2010-cu ilin Dövlət Büdcəsinə 14 milyon manat məbləğ qoyulub.
"Əhalinin 2008-2015-ci illərdə etibarlı ərzaq məhsulları ilə təmin edilməsi" Dövlət Proqramı çərçivəsində kənd təsərrüfatı məhsullarının istehsalçılarına kredit vermək üçün 23 milyon manat ayrılıb. Hesabat dövrü ərzində Sahibkarlığa Yardım Milli Fonduna 25 milyon manat, "Aqrolizinq" Açıq Tipli Səhmdar Cəmiyyətinə 13,9 milyon manat, Kənd Təsərrüfatı Subyektlərinin Kreditləşdirilməsi Üzrə Dövlət Agentliyinə beş milyon manat ayrılıb.
Xaricdə səfirliklərin, konsulluqların və nümayəndəliklərin təminatı üçün dövlət büdcəsindən 22,3 milyon manat məbləğ ayrılıb. Hesabat dövrü ərzində Azərbaycanın Serbiyada yenidən açılımış səfirliyinin fəaliyyəti üçün maliyyə əsasları yaradılıb.
Beynəlxalq və respublika əhəmiyyətli tədbirlərin həyata keçirilməsini maliyyələşdirmək üçün birinci rübdə dövlət büdcəsindən 247,5 min manat ayrılıb.
2010-cu ilin yanvar-mart aylarında dövlət büdcəsinin gəlirləri 2 446 milyon manat, xərcləri 1 979,1 milyon manat təşkil edib. Müvafiq surətdə dövlət büdcəsi kəsri 466, 9 milyon manat və yaxud 4,9 faiz səviyyəsində qeydə alınıb.
2010-cu il üçün Azərbaycanın Dövlət Büdcəsi 10 015 milyon manat mədaxili və 11 264 manat məbləğində məxarici ilə təsdiq olunub.
Mayın 12-nə rəsmi məzənnə 0,8036 AZN/ABŞ təşkil edir.