Аzərbaycan, Bakı, 17 may /Trend, müxbir Ü.İsmayılova/
Hal-hazırda Azərbaycanda "quş qripi" virusu aşkar olunmayıb, - bu barədə bazar ertəsi Azərbaycanın kənd təsərrüfatı nazirinin müavini Bəhram Əliyev nazirlik və BMT-nin "Biotəhlükəsizlik: onun quşçuluq təsərrüfatı və sənayesində tətbiqi" adlı ərzaq və kənd təsərrüfatı təşkilatının dəstəyi altında keçirilmiş məşq seminarları zamanı bildirib.
"Virusdan qorunmanın ən yaxşı üsulu Kənd Təsərrüfatı Nazirliyinin müntəzəm olaraq apardığı profilaktik tədbirlərdir ki, bu da müsbət şəkildə öz nəticəsini verib", - nazir müavini bəyan edib.
Onun sözlərinə görə, "quş qripi"ndən qorunmaqdan ötrü profilaktik tədbirlərlə bağlı Kənd Təsərrüfatı Nazirliyi onun nəzdində fəaliyyət göstərən dövlət baytarlıq xidməti laboratoriyasında virusun aşkar olunması üçün xüsusi müasir avadanlıqlar alıb.
"Hal-hazırda Azərbaycanda quşların nəinki "quş qripi", eləcə də digər xəstəliklərini aşkar etmək üçün müasir texnologiya mövcuddur", - nazir müavini bildirib.
"Nazir müavininin sözlərinə görə, seminarların keçirilməsinin əsas məqsədi bu gün dünyada aktual mövzu olan biotəhlükəsizlik məsələsində quşçuluq təşkilatlarının maariflənməsidir".
