Azərbayacn, Bakı, 2 iyul /Trend, müxbir N.İsmayılova/
Süleyman Məmmədov Baku Steel Company-nin baş direktoru təyin edilib. O, bu vəzifədə Aksel Borovskini əvəz edib. Bu barədə cümə günü şirkətin ictimaiyyətlə əlaqələr şöbəsinin rəhbəri Namiq Əhmədov bildirib.
Məmmədov baş direktor vəzifəsinə təyin olunanadək IRSI Gryp və Gunar LTD şirkətlərində məsul vəzifələrdə çalışıb.
Baku Steel Company bu günlərdə yenidən qeydiyyatdan keçərək mülkiyyət formasını məhdud məsuliyyətli cəmiyyətə (MMC) dəyişib. Şirkətin nizamnamə kapitalı 36 milyon manatdır.
İyulun 2-nə olan rəsmi məzənnə 0,8038 AZN/USD təşkil edir.
