Azərbaycan, Bakı, 7 iyul /Trend, müxbir S.Ağayeva/
Azərbaycan və Serbiya arasında iqtisadi əməkdaşlığın perspektivləri Belqradda müzakirə ediləcək. Danışıqlar iyulun 12-14-də Azərbaycan iqtisadi inkişaf naziri Şahin Mustafayevin başçılıq etdiyi hökumət nümayəndə heyətinin səfəri zamanı aparılacaq, - bu barədə Trendi-ə diplomatik mənbələrdən məlumat veriblər.
Nümayəndə heyətinə rabitə və informasiyalar, müdafiə sənayesi nazirliklərinin, Neft Fondunun, "Azərbaycan Dəmir Yolları" QSC-nin və ARDNŞ-in nümayəndələri daxildirlər.
Azərbaycan hökumət nümayəndə heyətinin Serbiya Baş nazirinin müavini, iqtisadiyyat və regional inkişaf naziri Mlacen Dinkiç və özəlləşdirmə üzrə agentliyin rəhbəri ilə görüşləri nəzərdə tutulub.
Görüşlərdə ticari-iqtisadi əməkdaşlığın və mal dövriyyəsinin artırılma perspektivlərinin müzakirəsi gözlənilir.