Azərbaycan, Bakı, 21 iyul /Trend, müxbir İ.Xəlilova/
Beynəlxalq İnkişaf Assosiasiyası (BİA DB qrupuna daxildir) 2011-ci maliyyə ilində (maliyyə ili 2010-cu il iyulun 1-də başlayır və 2011-ci il iyunun 30-dək davam edir) Azərbaycanın layihələrinin güzəştli maliyyələşdirilməsini davam etdirmək barədə qərar qəbul edib. Bu barədə çərşənbə günü bankın Bakı nümayəndəliyindən məlumat verilib. [Bir az əvvəl isə DB-nin hələ 2009-cu ildə vəsaitlərin daha yoxsul, o cümlədən, Afrika ölkələrinə yönəldilməsi məqsədilə Azərbaycanı güzəştli şərtlərlə maliyyələşdirməsini dayandırdığı bəyan edilmişdi.]
"Bank Azərbaycan layihələrinin güzəştli maliyyələşdirilməsi üçün 48,9 milyon SDR (73 milyon dollar) ayrılıb, halbuki 2009 və 2010-cu maliyyə illərində hər il üçün 70 milyon dollar vəsait ayrılmışdı", - nümayəndəlikdən bildiriblər.
Azərbaycan güzəştli maliyyələşdirmədən istifadə imkanını donorların BİA-nın proqramların üç il müddətinə maliyyələşdirməsi ilə bağlı əldə edib və 2011-ci maliyyə ili 15-ci dövrədə sonuncu il olacaq. 2012-ci ildə yeni - 16-cı dövrənin başlanması ilə əlaqədar Azərbaycana güzəştli kreditlərin verilməsi barədə qərar BİA tərəfindən ayrıca qəbul olunacaq.
Bu meyarlar adambaşına ÜDM-in 1280 dolları ötmədiyi ölkələrdə tətbiq olunur. Azərbaycan artıq DB tərəfindən BİA xətti ilə güzəştli kreditlərin alınması üçün əsas meyarlar kimi müəyyən olunan gəlirlərin bu səviyyəsini ötüb, ona görə də bu ildən ölkə yalnız kommersiya şərtləri ilə maliyyələşmə əldə edə bilər. Azərbaycanda ötən ilin yekunları üzrə adambaşına ÜDM 5403,9 dollar təşkil edib.
2011-ci ildə BİA-nın kvotaları hesabına kapital bazarının modernləşdirilməsi, ali təhsil sisteminin yenidən qurulması, kanalizasiya sularının Hövsan aerasiya stansiyasından Xəzər dənizinə yeraltı çıxışı qismən maliyyələşdirilə bilər.
"Bu, layihələrin hazırlanması gedişindən asılıdır, lakin bu gün yekun nəticələr hələ yoxdur", - nümayəndəlikdən bildiriblər.
Dünya Bankı Azərbaycan hökuməti ilə 1992-ci ildən - əməkdaşlığa başladığı vaxtdan - 2,7 milyard dollar məbləğində 52 layihəni maliyyələşdirib. Bu vəsaitin 1,5 milyard dollardan çoxu istifadə olunub.
