Azərbaycan, Bakı, 5 avqust /Trend/
2010-cu il avqustun 9-da Bakı Fond Birjasında (BFB) Azərbaycan İpoteka Fondunun (AİF) faizli adlı sənədsiz təmin edilməmiş istiqrazlarının yerləşdirilməsi üzrə növbəti hərrac keçiriləcək. Hərraca 5 milyon manat məbləğində istiqraz çıxarılacaq. Bu barədə BFB-nin cümə axşamı yayılan məlumatında deyilir.
Emissiya prospektinə əsasən, yerləşdirmə kütləvi təklif üsulu ilə "Bakı Fond Birjası" QSC vasitəsilə keçiriləcək. İstiqrazlar 102,1293 qiymətlə satışa çıxarılacaq.
İstiqrazların ödənmə tarixi 11 dekabr 2019-cu ildir. Təqdim edilmiş sifarişlər təklifdən çox olduğu halda proporsional qaydada təmin ediləcək. İstiqrazların ilkin yerləşdirilməsində iştirak edən təşkilat Azərbaycan Respublikası Mərkəzi Bankıdır.
İstiqrazların ümumi həcmi illik 3,25 faiz dərəcəsi ilə 75 milyon manat təşkil edir. Bugünkü yerləşmə nəzərə alınmaqla, emissiyalardan 49 milyon manat məbləğində istiqrazlar həyata keçirilib.
Avqustun 5-nə olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.png)
