Azərbaycan, Bakı, 16 avqust /Trend/
Yanvar-iyun aylarında Azərbaycana 22,8 mindən çox minik avtomobili idxal olunub ki, bu da ötən ilin analoji dövr göstəricisindən 29,3 faiz azdır. Bu barədə Dövlət Statistika Komitəsindən məlumat verilib.
Məlumata görə, yanvar-iyun aylarında gətirilən minik avtomobillərinin ümumi dəyəri 188 milyon dollara yaxındır. Bu, ötən ilin eyni dövrünün göstəricisindən 14,2 faiz azdır.
Yanvar-iyun aylarında Azərbaycana 2 384 ədəd yük avtomobili idxal olunub ki, bu da ötən ilin eyni dövrünün göstəricisindən 37,6 faiz azdır. Gətirilən avtomobillərin ümumi dəyəri 56,6 milyon dollar təşkil edib ki, bu da ötən ilin analoji dövr göstəricisindən 17,3 faiz çoxdur.
Həmçinin, yanvar-iyun aylarında respublikaya 453 ədəd avtobus idxal olunub ki, bu da ötən ilin analoji dövr göstəricisindən 13,1 faiz azdır. Yanvar-iyun aylarında idxal olunan avtobusların məbləği 23,75 milyon dollar təşkil edib ki, bu da ötən ilin analoji dövründə qeydə alınan göstəricidən 0,4 faiz çoxdur.
Yanvar-iyul aylarında Azərbaycanda 408 ədəd yük avtomobili istehsal olunub. Eləcə də həmin dövrdə ölkədə 265 minik avtomobili buraxılıb.
