Azərbaycan, Bakı, 16 avqust /Trend, müxbir İ.Xəlilova/
Azərbaycan bankı "Texnikabank" bu günə bankın ümumi öhdəlik portfelində 6 faiz təşkil edən xarici borcların həcmini artırmaq niyyətindədir. Bu barədə bazar ertəsi bankın idarə heyətinin sədri Samir Hüseynov deyib.
"Bu çox aşağı göstəricidir və investorlar üçün yaxşı "mesajdır"; belə ki, bizim kreditlərin vaxtında ödənilməsi ilə bağlı problemimiz yoxdur", - Hüseynov bildirib. - "Əgər buna kimi xarici borcların payı 90 milyon dollar təşkil edirdisə (öhdəliyin 21 faizi), bu gün o, 20 milyon dollaradək azalıb".
Hazırda bank İslam İnkişaf Bankı ilə danışıqlar aparır və "başqa beynəlxalq maliyyə institutları ilə əməkdaşlığın qurulacağına ümid edirik". "Lakin hazırda özəl investisiya bank və fondları ilə konkret iş aparılır və ümid edirəm, payızda, bəlkə oktyabrda, biz kapitalın beynəlxalq bazarlarında müəyyən layihələrin həyata keçirilməsinə başlayacağıq. Hazırda biz bu borcların strukturunu müzakirə edirik və hər şey investorların "iştaha"sından asılı olacaq", - Hüseynov qeyd edib.
Bazara çıxmaq üçün maliyyə mühəndisliyi adlandırılan bir şeyi etmək lazımdır ki, bu da investorlar tərəfindən sakit və rahat qəbul ediləcək, belə ki, investorun "iştah"ını yadda saxlamaq lazımdır.
Onun sözlərinə görə, bugünədək Azərbaycanın riskini götürmək və ölkəyə investisiya yatırmaq istəyən çoxlu sayda investor var; belə ki, makroiqtisadi vəziyyət kifayət qədər stabildir, iqtisadi artım davam edir, inflyasiyanın səviyyəsi aşağıdır, xarici borcların ÜDM-yə nisbəti də bütün dünyada ən aşağı hesab edilir. İnvestorlar ölkənin maliyyə sektoruna investisiya yatırmağa böyük maraq göstərirlər, lakin hazırda alət azdır; belə ki, suveren bondların debüt buraxılışı hələ ki həyata keçirilməyib və bu, müəyyən çətinliklərə gətirib çıxarır. Onlardan biri "Azərbaycanda müəyyən özəl şirkətlər arasında risklərin necə ölçülməsindən" ibarətdir.
Suveren bondların olacağı təqdirdə, bondların dünya maliyyə bazarlarında kotirovka ediləcək olan qiymətindən uzaqlaşmaq mümkün olardı. Ölkənin avrobondalar vasitəsilə xarici borclara ehtiyacının olmamasına baxmayaraq, bu, yerli şirkətlərin kapitalın beynəlxalq bazarlarına çıxmasına kömək etmək üçün zəruridir, lakin bu təkcə maliyyə sektoruna deyil, həm də real iqtisadiyyatın digər sektorlarına investisiyaların cəlb edilməsinə gətirib çıxaracaq.
2009-cu il ərzində bank, demək olar, yeni xarici borc götürməyib, lakin əvvəl götürülmüş kreditlərdən, təxminən, 45 milyon dollar ödəyib.
1993-cü ildə təsis olunmuş "Texnikabank" ASC ölkənin bank sektorunda əsas göstəricilərinə görə ilk beşlikdə qərarlaşıb. "Texnikabank" ASC 35 filialı və 5 şöbəsi ilə Bakı şəhəri və respublikanın regionlarında hüquqi və fiziki şəxslərə bütün növ bank xidmətlərini təklif edir. 1 iyul 2010-cu il tarixinə görə, "Texnikabank"ın aktivləri 452,78 milyon manat təşkil edib. Aktivlər üzrə gəlir (ROA) 0,39 faiz, kapital (ROE) üzrə 2,97 faiz olub.
