Аzərbaycan, Bakı, 19 avqust /Trend/
Azərbaycan Nəqliyyat Nazirliyi sentyabrın 6-7-də Cenevrədə BMT-nin Avropa İqtisadi Komissiyasının Avropa- Asiya nəqliyyat birləşmələri üzrə ekspert qrupunun dördüncü sessiyasında iştirak edəcək. Bu barədə nazirlikdən verilən məlumatda deyilir.
Sessiyada Azərbaycan Nəqliyyat Nazirliyinin beynəlxalq əlaqələr şöbəsinin protokol təminatı və diplomatik yazışmalar sektorunun aparıcı məsləhətçisi Qafqaz Adıgözəlov təmsil edəcək.
Sessiyada Avropa-Asiya məkanında nəqliyyatın inkişafı məsələləri, gerçəkləşən layihələr, nəqliyyat infrastrukturu, investisiya və digər məsələlər müzakirə olunacaq.
