Azərbaycan, Bakı, 25 avqust /Trend, müxbir N.İsmayılova/
Mühasibat uçotunun beynəlxalq standartlarının tətbiqi Azərbaycanın Ümumdünya Ticarət Təşkilatına (ÜTT) daxil olmasında müsbət rol oynayacaq. Bu sözləri çərşənbə günü Azərbaycan Auditorlar Palatasının rəhbəri Vahid Novruzov deyib.
"Mühasibat uçotunun beynəlxalq standartlarının tətbiqində şəffaflığın səviyyəsi yüksəkdir və auditor riski azalır", - Novruzov bildirib. - "ÜTT iqtisadiyyatın müxtəlif sahələrində hərtərəfli monitorinq aparır, buna görə də beynəlxalq standartlara keçid bu aspektdə mühüm rol oynayacaq".
Onun sözlərinə görə, Azərbaycanda qəbul edilən standartlar təkmilləşdirilir və yeniləşir. Bundan başqa, Auditorlar Palatası auditorlar üçün illik xüsusi ixtisasartırma kursları da keçir.
GRBS® təlim mərkəzi ölkənin Auditorlar Palatası ilə əməkdaşlıq çərçivəsində həm dövlət, həm qeyri-hökumət, həm də yerli və xarici kommersiya təşkilatlarında kadrlar və mühasibat, maliyyə və vergi sahələrinin qulluqçuları üçün Azərbaycanda analoqu olmayan həm Azərbaycan, həm də rus dillərində hazırlıq və milli sertfikatlaşdırma proqramı keçirir.
