...

Azərbaycanda genetik modifikasiya olunmuş məhsulların aşkar edilməsi üzrə laboratoriyanın yaradılması məsələsinə baxılır

Biznes və iqtisadiyyat xəbərləri Materials 2 Sentyabr 2010 16:11 (UTC +04:00)

Azərbaycan, Bakı, 2 sentyabr /Trend, müxbir N.İsmayılova/

Azərbaycanda genetik modifikasiya olunmuş məhsulların aşkar edilməsi üzrə laboratoriyanın yaradılması məqsədilə bazarın araşdırılması aparılır. Bu barədə cümə axşamı jurnalistlərə İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin rəisi Zahid İsayev bildirib.

"Biz bu sahədə araşdırma aparırıq və bu cür laboratoriyanın yaradılması imkanları müəyyən edilir", - İsayev deyib.

Onun sözlərinə görə, laboratoriyanın yaradılma müddəti araşdırmanın nəticələrindən asılıdır ki, bu da laboratoriyanın harada və hansı səviyyədə yaradılmasını müəyyən etməyə imkan verir.

Hələ ötən il Azad İstehlakçılar Birliyi "Azersun Holding" şirkətinə (Azərbaycanda ərzaq məhsullarının ən iri istehsalçısı) genetik modifikasiya olunmuş məhsulların aşkar edilməsi və belə məhsulların mövcudluğunu təsdiqləmək üçün laboratoriyanın yaradılması təklifi ilə müraciət edib. Bir müddət əvvəl birliyin sədri Eyyub Hüseynov şirkətin belə laboratoriyanın tikintisinə razılıq verdiyini bildirmişdi.

Onun sözlərinə görə, heç olmasa üç məhsulda genetik modifikasiya olunmuş məhsulların mövcudluğunu aşkar edə bilən avadanlıqlar 70 min dollar dəyərindədir, bu əlavələrin yalnız olmasını və ya olmamasını göstərən ən adi avadanlığın qiyməti isə təxminən 9 min dollar təşkil edir.

Xəbər lenti

Xəbər lenti