Azərbaycan, Bakı, 14 sentyabr /Trend, müxbir N.İsmayılova/
Avqustda Azərbaycanın Vergilər Nazirliyində "Dağıstan Ticarət Evi" və "Dərbənd Ticarət Evi" MMC qeydiyyatdan keçiblər. Bu barədə ölkənin Vergilər Nazirliyinin rəsmi saytının "1 pəncərə" bölməsində məlumat verilib.
"Dağıstan Ticarət Evi" və "Dərbənd Ticarət Evi" MMC-nin təsisçiləri Rusiyanın "Dərbənd-kredit" səhmdar-ticarət torpaq bankı və "Shahdash" MMC-dir. Şirkətlərin hər biri min manat nizamnamə kapitalı ilə qeydiyyatdan keçib. Şirkətin qanuni nümayəndəsi Əhmədcan Qurbanovdur.
Sentyabrın 14-nə olan rəsmi məzənnə 0,8037 AZN/USD təşkil edir.
