Azərbaycan, Bakı, 14 oktyabr /Trend, müxbir E.İsmayılov/
Bu ilin səkkiz ayı ərzində Şimal-Cənub nəqliyyat dəhlizi çərçivəsində Rusiyadan 6,5 milyon ton yük nəql edilib. Onlardan 3,5 milyon tonu dəmiryol, sonradan isə Həştərxan və Olya limanlardan Həştərxana nəql edilib. Bu barədə Bakıda "Rusiya Dəmir Yolları" Açıq Səhmdar Cəmiyyətinin Privoljsk dəmiryolunun rəisi Aleksandr Xrapatı deyib.
Onun sözlərinə görə, Həştərxan limanından nəql edilən yüklərin 88 faizi İran istiqamətində, qalan hissə Türkiyəyə və Türkmənistana nəql olunub. Xrapatının sözlərinə görə, Xəzərdə yerləşən limanların Şimal-Cənub (ildə təxminən 25 milyon ton yük) dəhlizi çərçivəsində yüklərin daşınması üçün nəzərdə tutulan yüklərin boşaldılıb yüklənilməsinə görə texniki imkanları və şəxsi infrastrukturun təkmilləşdirilməsi şəraiti var.
"Rusiya Dəmir Yolları" ASC-nin birinci vitse-prezidenti Valeri Reşetnikovun sözlərinə görə, hazırda Xəzərdə bərə xətti Rusiya, Türkmənistan və Qazaxıstan arasında var. Hazırda Mahaçqala-Əmirabad, eləcə də Olya-Əmirabad istiqaməti üzrə onun təşkili üzrə işlər aparılır. Xüsusilə, limanda Mahaçqalada 20,5 min vaqonun işlənməsi üçün imkanlar var (vaqonların daşınması bərə xətti vasitəsilə həyata keçirilir).
Onun sözlərinə görə, hazırda "Rusiya Dəmir Yolları" təkcə dəmir yollarının idarə edilməsi üzrə deyil, eləcə də limanların fəaliyyəti üzrə işlər aparır. Bu, iki nəqliyyat növünün fəaliyyətini uyğunlaşdırmağa və yüklərin nəqletmə prosesini yüngülləşdirməyə və sürətləndirməyə imkan verəcək.
