Azərbaycan, Bakı, 25 oktyabr /Trend, müxbir A.Axundov/
2010-cu ilin sentyabr ayında Bakının ilkin daşınmaz əmlak bazarında mənzilin bir kvadratmetrinin qiyməti bir faiz və ya bir manat azalaraq 865 manat olub. Bu barədə çərşənbə axşamı "Əmlak Bazarı İştirakçıları" İctimai Birliyindən bazar ertəsi məlumat verilib.
"Sentyabrda qiymətlərin azalması üçüncü rübün əvvəli ilə müqayisədə 0,1 faiz, 2010-cu ilin əvvəli ilə müqayisədə 3,6 faiz, ötən ilin analoji dövrü ilə müqayisədə 9,6 faiz, böhrana qədər olan dövrdəki ən yüksək hədd və ya 2008-ci ilin sentyabrı ilə müqayisədə 27,6 faiz təşkil edir", - İB-dən bildiriblər.
Məlumata görə, ilkin bazar mövsüm üçün xarakterik olan aktivlik və canlanma ilə yadda qalıb.
Sentyabrda qiymət indekslərinin 0,1 faiz azalması avqustdakı 333 bəndə qarşı 332 bənd təşkil edib.
Əvvəlki aylarda olduğu kimi, Bakının ilkin mənzil bazarı portfelinin böyük hissəsini Yasamal (27,2 faiz), Xətai (21 faiz) və Nəsimi (17,41 faiz) rayonlarındakı tikililər təşkil edib.
Üş yaşayış binası (ikisi Yasamal, biri Nəsimi rayonunda) sentyabrda satışdan çıxarılıb. Bunun nəticəsində satışa çıxarılan binaların sayı 441-dən 438-dək azalıb. Tikinti şirkətlərinin sayı əvvəlki aylarda olduğu kimi 153 olub.
Sentyabrda yeni tikililərdə üstünlük üçotaqlı mənzillərə verilib. Beşotaqlı mənzillərə şəhərin birinci zonasında, birotaqlı mənzillərə isə əsasən üçüncü zonada üstünlük verilib.