Аzərbaycan, Bakı, 29 oktyabr /Trend, müxbir А.Axundov/
Sentyabrda Bakının kommersiya obyektləri bazarında orta qiymətlər 1,5 faiz qalxıb. Qeyri-yaşayış obyektlərinin icarəsi isə 0,2 faiz ucuzlaşıb. Bu barədə çərşənbə axşamı "Əmlak Bazarı İştirakçıları" İctimai Birliyindən məlumat verilib.
Sentyabrda qeyri-yaşayış sahələri bazarında təkliflərin sayı 2,2 faiz artıb.
Bakıdakı qeyri-yaşayış sahələrinin bir kvadratmetrinin orta qiyməti avqustdakı 2 938 dollardan sentyabrda 2 973 dollaradək bahalaşıb. Aparılan araşdırmalara görə, birinci rübə nisbətən qiymətlərin bahalaşması 0,8 faiz, ötən ilin sentyabr ayı ilə müqayisədə isə 0,6 faiz təşkil edib.
Şəhərin birinci və dördüncü zonaları üzrə qeyri-yaşayış sahələrinin qiymətləri, müvafiq olaraq, 0,9, və 0,6, faiz düşüb. İkinci zonada 0,5 faiz olmaqla, artım müşahidə edilib. Ötən ay ərzində şəhərin Qaradağ rayonunda bazarda 2,2 faiz orta qiymət artımı müşahidə olunub, ən çox azalma isə 1,1 faiz olmaqla Suraxanı rayonunda müşahidə edilib.
Bazarda orta qiymətdən aşağı (bir kvadratmetri 2 973 dollara) təklif olunan qeyri-yaşayış obyektlərinin payı qeyri-yaşayış obyektləri bazarının ümumi portfelinin 51,7 faizini təşkil edib.
Bazar qiymətlərinin artmasına baxmayaraq, tələbin aşağı olması ekspozisiya müddətinin artmasına təsir edib ki, bu da daşınmaz əmlakın bu növü üzrə riskləri artırıb.