Azərbaycan, Bakı, 10 noyabr /Trend/
Çərşənbə günü Nəqliyyat Nazirliyində "Bakı şəhər ərazisi üçün strateji nəqliyyat planının hazırlanması" layihəsinin təqdimat mərasimi keçirilib. Bu barədə nazirliyin rəsmi saytında yerləşdirilən məlumatda deyilir.
Nəqliyyat Nazirliyi və Finlandiyanın "WSP Finland Ltd" şirkəti arasında cari il iyunun 7-də imzalanan müqaviləyə əsasən həyata keçiriləcək bu layihə Dünya Bankının qrantı hesabına reallaşıb.
Təqdimatda "Azərbaycan Dəmir Yolları" QSC, "Azəryolservis" ASC, "Avtonəqliyyatservis" Departamenti, Maliyyə Nazirliyi, Dövlət Şəhərsalma və Arxitektura Komitəsi, Bakı Metropoliteni, Dünya Bankının, "WSP Finland Ltd" və Koreyanın "SK C&C Co. Ltd" şirkətinin nümayəndələri də iştirak ediblər.
