...

Oktyabrda Azərbaycanda sənaye mallarının istehsal qiymətlərinin indeksi cüzi azalıb

Biznes və iqtisadiyyat xəbərləri Materials 12 Noyabr 2010 15:46 (UTC +04:00)

Azərbaycan, Bakı, 12 noyabr /Trend, müxbir А.Axundov/

Oktyabrda sənaye mallarının istehsal qiymətlərinin indeksi 0,1 faiz azalıb. Bu barədə cümə günü Azərbaycan Dövlət Statistika Komitəsindən məlumat verilib.

Neft və qaz hasilatı sahəsində 0,3 faiz aşağı düşən qiymətlərlə yanaşı, bütün sənaye sahələrində istehsal qiymətləri 3,9 faiz artıb.

Kağız və karton istehsalı sahəsində qiymətlər 7,6 faiz, hazır metal məmulatlarının istehsalı (maşın və avadanlıqlar istisna olmaqla) - 2,3 faiz, təmizlənmiş neft məhsulları və koksun istehsalı - 0,8 faiz, rezin və plastik məmulatların qiyməti - 0,7 faiz, ərzaq məhsullarının istehsalı - 0,6 faiz, tütün məmulatlarının istehsalı - 0,3 faiz, içki istehsalında qiymətlər isə 0,1 faiz artıb.

Əczaçılıq məhsullarının istehsalı üzrə 2,1 faiz, toxuculuq sənayesi - 1,6 faiz, geyim istehsalı - 0,9 faiz, metallurgiya sənayesi - 0,7 faiz, digər qeyri-metal mineral məhsulların istehsalı üzrə isə qiymətlər 0,3 faiz ucuzlaşıb.

Xəbər lenti

Xəbər lenti