Azərbaycan, Bakı, 30 noyabr /Trend, müxbir E.İsmayılov/
"Türk Hava Yolları" aviaşirkətinin Bakı-İstanbul aviareysi bu gün 14 saatdan çox gecikmə ilə həyata keçiriləcək. Bu barədə çərşənbə axşamı Heydər Əliyev adına Beynəlxalq hava limanından bildiriblər.
Bu gün saat 05:25-də yerinə yetirilməli olan TK 339 aviareysi saat 20:00-da yerinə yetiriləcək. Reysin yubanması texniki problemlərlə bağlıdır.
"Yubadılan reysin sərnişinləri İstanbuldan Bakı vaxtı ilə saat 18:30-da gələcək təyyarə ilə yola salınacaqlar. Hava gəmisi Bakıdan saat 20:00-da qalxacaq", - mənbə bildirib.
Aviareys A321-200 markalı təyyarə ilə həyata keçirilməli idi.