Azərbaycan, Bakı, 16 dekabr /Trend/
Yanvar-oktyabr aylarında Azərbaycana 13 milyon tona yaxın sement və sement klinkerləri idxal edilib ki, bu da ötən ilin analoji dövr göstəricisindən 16,6 faiz azdır. Bu barədə Dövlət Statistika Komitəsinin məlumatında deyilir. Yanvar-oktyabrda 59,33 milyon dollardan artıq məbləğdə sement və sement klinkeri idxal olunub ki, bu da 2009-cu ilin müvafiq dövr göstəricisindən 1,3 faiz azdır.
Yanvar-oktyabrda 534 min ton sement klinkeri idxal edilib ki, bu da ötən ilin analoji dövr göstəricisindən 4,5 faiz azdır. 24,85 milyon dollardan artıq məbləğdə klinker idxal edilib. Bu, 2009-cu ilin analoji dövr göstəricisindən 14,8 faiz çoxdur.
Yanvar-oktyabr ayları ərzində ölkəyə 762,4 min ton sement idxal edilib ki, bu da ötən ilin analoji dövr göstəricisindən 23,4 faiz azdır. Bu dövr ərzində 34,5 milyon dollar dəyərində sement gətirilib ki, bu da 2009-cu ilin yanvar-oktyabrında qeydə alınan göstəricidən 10,4 faiz azdır.
Yanvar-noyabrda Azərbaycanda 1,2 milyon ton sement istehsal edilib ki, bu da ötən ilin analoji dövr göstəricisindən 2,2 faiz azdır.