Azərbaycan, Bakı, 25 dekabr /Trend, müxbir N.İsmayılova/
Azərbaycanda qızıl istehsalçısı olan "Anglo Asian Mining Plc" şirkəti öz borcunun vaxtından əvvəl ödənilməsi məqsədilə Azərbayacn Beynəlxalq Bankına 5,4 milyon dollar ödəyib, hazırda bankın şirkətə verdiyi cari kreditin həcmi 29,6 milyon dollar təşkil edir. Bu barədə şirkətin məlumatında deyilir.
Bundan başqa, "Anglo Asian" şirkətin baş direktoru Rza Vəzirinin şirkətə 2009-cu il avqustun 7-də verdiyi 998,66 min dollar məbləğində kredit xəttinin ödənilməsini təxirə salıb.
"Bu, "Anglo Asian Mining Plc"ə kreditləri şirkətin yüksək istismar xarakteristikası dövründə prioritet qaydada yüksək faiz dərəcəsi ilə ödəməyə imkan verəcək", - məlumatda deyilir.
Əvvəllər, 2010-cu il aprelin 12-də qərara alınıb ki, kreditin ödənilməsi 2010-cu il noyabrın 30-da eyni vaxtda ödəniləcək. Şirkətin ödənişlərinin yeni planına əsasən isə kreditin ödənilməsi hər ay 30 günlük bildirişlə həyata keçiriləcək. Borc üzrə faiz dərəcəsi ildə 8 faizdir.
2009-cu il dekabrın 31-nə 43 milyon dollar təşkil edən və 2010-cu ilin martında 45,9 milyon dollara çatan şirkətin ümumi kreditləri və borcları hazırda 30,6 milyon dollar təşkil edir.
"Anglo Asian Mining PLC" şirkəti Azərbaycanın cənub-qərbində yerləşən altı - Gədəbəy, Ordubad, Qoşa Bulaq, Qızıl Bulaq, Vejnəli və Söyüdlü yataqlarının 1997-ci ilin avqustunda Azərbaycan hökuməti ilə imzalanan PSA tipli məhsulun pay bölgüsü sazişi əsasında işlənməsi hüququna malikdir. Müqaviləyə əsasən, yataqlardan 400 ton qızıl, 2500 ton gümüş və 1,5 milyon ton mis hasilatı planlaşdırılır.
İlk qızıl və gümüş 2009-cu ilin mayında Gədəbəy yatağından hasil edilib. Ümumilikdə, 2015-ci ilədək Gədəbəy yatağından 300 min unsiya qızılın hasil edilməsi planlaşdırılır.
