Azərbaycan, Bakı, 27 dekabr /Trend, müxbir N.İsmayılova/
Noyabr ayı ərzində Azərbaycanda bank sektorunun kapitallaşması 1,1 faiz, ilin əvvəlindən isə 8,5 faiz artaraq 2175,07 milyon manat təşkil edib. Bu barədə bazar ertəsi Azərbaycan Mərkəzi Bankından (AMB) məlumat verilib.
AMB-nin statistik məlumatına görə, noyabrın yekunları üzrə kapitalı 10 milyon manatı ötən bankların sayı 40 bank təşkil edərək cari ilin oktyabr ayı ilə müqayisədə bir bank, 2009-cu ilin noyabr ayı ilə müqayisədə isə iki bank azalıb. Noyabr ayı ərzində bütün bankların kapitalının məcmu həcmində bu kateqoriyadan olan bankların xüsusi çəkisi 97,8 faizdən 97,4 faizədək azalıb.
Beş bankın (xüsusi çəkisi 2,2 faiz) kapitalı beş milyondan on milyon manatadək, iki bankın (0,4 faiz) kapitalı isə 3,5 milyon manatdan beş milyon manatadək məbləğdə formalaşıb.
Dekabrın 27-nə olan rəsmi məzənnə 0,7985 AZN/USD təşkil edir.
