Azərbaycan, Bakı, 27 dekabr /Trend, müxbir Ü.İsmayılova/
Yaxın 4-5 ildə Azərbaycanın turizm sahəsində hər il 10 faizlik artım təmin olunacaq. Bu barədə bazar ertəsi Azərbaycanın mədəniyyət və turizm naziri Əbülfəs Qarayev deyib.
"Son üç ildə ölkədə turizmin sürətlə inkişaf etdiyi müşahidə olunur, lakin bununla yanaşı, artım üzrə göstəricilər illərə görə fərqlənir", - nazir qeyd edib.
Onun sözlərinə görə, Azərbaycanda turizm sahəsinin inkişafı üçün vaciq qərar ölkədə 2010-2014-cü illər üçün turizmin inkişafı üzrə Dövlət Proqramının qəbul edilməsidir.
Dövlər proqramının həyata keçirilməsi çərçivəsində ölkənin turizm sahəsinin təkmilləşdirilməsi üzrə böyük potensialı nəzərə almaqla, xeyli işin görülməsi planlaşdırılır. Azərbaycan turizminin ildən-ilə öz mövqeyini möhkəmləndirməsini və imicini dəyişərək həm turistlər, həm də böyük investorlar üçün daha cəlbedici olmasını ötən il Azərbaycanda olan turistlərin sayının artması xəbər verir. Ümumilikdə ölkənin turizm sahəsində iqtisadi artım göstəricisi 41 faizə çatıb.
"Hər il Azərbaycanda keçirilən sərgilər də ölkəyə turist axınının artmasına təkan verib. Buna sübut apreldə Bakıda dünyada mədəniyyətlərarası dialoqa həsr edilən forumdur. Onun işində təkcə Avropa və İslam ölkələrindən deyil, həm də digər qitələrdən olan qonaqlar iştirak ediblər", - nazir bildirib.
Onun sözlərinə görə, turizm sahəsində daha bir uğur kimi Azərbaycan Turizm İnstitutunun ilk məzunlarını göstərmək olar. Turizm sahəsi mütəxəssislərinin hazırlanması üçün bazanın yaradılması dövlət proqramının həyata keçirilməsinin prioritetlərindən biridir.
Hər il Azərbaycanda 25-dən 50-dək hotel və mehmanxana tikilir. Bu gün 50 mehmanxananın tikintisi davam etdirilir. 2003-cü ildə Azərbaycanda mehmanxanaların sayı 96, nomrə fondu 9 569 ədəd təşki edirdisə, hazırda onların sayı 452-yə çatıb və bu, demək olar ki, üçdəfəlik artımdır.
Son dörd ildə ölkədə 30 706 nömrəli müxtəlif kateqoriyalı 370 mehmanxana tikilib və yenidən qurulub. 2009-cu ildə 60-a yaxın mehmanxananın tikintisi aparılıb. Onlardan 20-si artıq fəaliyyət göstərməyə başlayıb.
Bu gün Azərbaycanda 1,5 min müəssisə mehmanxana və restoran biznesi ilə məşğul olur. Təkcə Bakıda hazırda orta hesabla 5 min ictimai iaşə obyekti fəaliyyət göstərir, hər ay A və B dərəcəli yeni müəssisələr açılır.