Azərbaycan, Bakı, 6 yanvar /Trend, müxbir N.İsmayılova/
"Amrahbank" 2011-ci ildə aktivlərinin sayını 10-15 faizə qədər artırmağı planlaşdırır. Bu barədə cümə axşamı bankın İdarə Heyətinin üzvü, Maliyyə menecmentliyi departamentinin direktoru Fazil Hüseynov deyib.
"2011-ci ildə bank öz diqqətini maliyyə göstəricilərinin artırılmasının təminatına yönəldəcək. Bununla yanaşı, bank həmçinin kredit xətlərinin cəlb edilməsi məqsədilə beynəlxalq maliyyə institutları ilə danışıqlar aparır", - Hüseynov bildirib.
Onun sözlərinə görə, hazırda bankın aktivləri 78 milyon manata yaxın təşkil edir.
"Amrahbank" (1993-cü ildə yaradılıb) Azərbaycanın ilk və aparıcı ticarət banklarından biridir. Bank filialların sayına görə (23 filial) yerli banklar arasında rəhbər mövqe tutur. Bankın nizamnamə kapitalı 14 milyon manatı ötür. Bankın səhmlərinin 49 faizi Beynəlxalq İnvestisiya Bankına məxsusdur.
Yanvarın 6-na olan rəsmi məzənnə 0,7977 AZN/USD təşkil edir.
