Azərbaycan, Bakı, 17 yanvar /Trend, müxbir E.İsmayılov/
Ötən il Bakı Beynəlxalq Dəniz Ticarət Limanı 830 min ton quru və konteyner yükləri daşıyıb ki, bu da 2009-cu ilin analoji dövrünün göstəricisindən demək olar üç dəfə çoxdur. Bu barədə bazar ertəsi Bakı limanındakı mənbə deyib.
"Ötən il terminal quru və konteyner yüklərin daşınması həcmini artırıb. Bu göstərici 830 min ton təşkil edib ki, bu da 2009-cu ilin analoji dövrünün göstəricisindən demək olar üç dəfə çoxdur", - mənbə bildirib.
Quru yüklərin əsas hissəsini İrandan idxal olunan sement klinkerləri təşkil edir. Yüklərin yerdə qalan hissəsini başqa növlər təşkil edir.
Mənbənin sözlərinə görə, eləcə də 2010-cu ildə 9 600 konteyner daşınıb. Konteyner yüklərinin əsas hissəsini Avropadan Qazaxıstan (Aktau) istiqamətində daşınan humanitar yüklər təşkil edib.
Qara dəniz, Gürcüstan və Azərbaycan ərazisindən humanitar yüklərin daşınmasına ötən ilin martından başlanılıb. Onların daşınması TRACECA nəqliyyat dəhlizi çərçivəsində Əfqanıstan istiqamətində həyata keçirilir. Humanitar yüklər tibb preparatlarından, tikinti materiallarından və qida məhsullarından ibarətdir.
Mənbənin sözlərinə görə, ötən il liman vasitəsilə 2,93 milyon tona yaxın bərə yükü (vaqonların yüklənməsi) daşınıb ki, 2009-cu ildə bu göstərici 28 faiz çox olub.
Mənbənin sözlərinə görə, ümumilikdə, 2010-cu ildə liman vasitəsilə 5,76 milyon tona yaxın yük daşınıb ki, bu da 2009-cu ilin göstəricisindən 12 faiz çoxdur.
2009-cu ildə liman vasitəsilə 2,5 milyon tona yaxın yük daşınıb ki, bu da 2008-ci ilin göstəricisindən 10 faiz aşağıdır. 2009-cu ildə liman vasitəsilə 5,1 milyon ton yük daşınıb. Keçən il göndərilən yüklərin həcminin 3 milyona yaxını neft və neft məhsullarının, qalan 3 milyonu isə bərə yüklərinin payına düşüb. 2008-ci illə müqayisədə 2009-cu ildə liman vasitəsilə quru yüklərin daşınması iki dəfə artaraq 300 min tona çatıb
Mənbə daha əvvəl deyib ki, 2008-ci ildə Bakı limanından 6 milyon tona yaxın müxtəlif yüklər daşınıb. Keçən il göndərilən yüklərin həcminin 3 milyon tona yaxını neft və neft məhsullarının, qalan 3 milyonu isə bərə nəqliyyatı ilə hərəkət edən yüklərin payına düşüb (Bakı-Türkmənbaşı, Türkmənbaşı-Bakı, Bakı-Aktau, Aktau-Bakı).