Azərbaycan, Bakı, 25 yanvar /Trend, müxbir E.İsmayılov/
"Azərbaycan Hava Yolları" QSC "Airbus-320" markalı üçüncü təyyarəni alıb. Bu barədə Trend-ə çərşənbə axşamı QSC-nin mətbuat katibi Məhərrəm Səfərli deyib.
Onun sözlərinə görə, fevralda AZAL bu markalı daha bir təyyarə alacaq.
"Airbus-319" markalı qalan iki təyyarəni aviaşirkət cari ilin ortalarında almağı planlaşdırır", - Səfərli qeyd edib.
Ötən ilin dekabrında AZAL "Airbus-320" markalı iki təyyarə alıb.
Təyyarələr Avropanın aparıcı aviaşirkətlərinin krediti əsasında alınır. Təyyarələrin hamısı 2007-ci ildə istehsal edilib və artıq istismar olunur.