Azərbaycan, Bakı, 26 yanvar /Trend, müxbir Ü.İsmayılova/
"Başak-İnam Sığorta" Azərbaycan-Türkiyə sığorta şirkətinin 2010-cu ildə fəaliyyətinin yekunları üzrə sığorta haqları 2,534 milyon manat təşkil edib. Trend-in məlumatına görə, bu barədə çərşənbə günü şirkətdən verilən məlumatda deyilir.
Şirkət ötən il ərzində 7,38 milyon manat sığorta haqqı yığıb, ödənişləri isə 33,74 faiz təşkil edib. Onlar pulla ifadədə müvafiq olaraq 174,148 min manat və 382,69 min manat təşkil edib.
Şirkətin KASKO sığortası üzrə yığımları 707,84 min manat (il ərzində artım 17,38 faiz), ödənişləri 552,17 min manat (4,23 faiz); yanğından sığorta üzrə - 585,21 min manat (5,08 faiz), ödənişləri - 613,18 min manat ( 5,1 dəfə); bədbəxt hadisələrdən və xəstəliklərdən sığorta üzrə 752,68 min manat (2,42 faiz), ödənişsiz; tibbi sığorta - 330,57 min manat (9,3 faiz), ödənişlər 295,54 min manat (azalma 8,7 faiz) təşkil edib.
"2011-ci ildə şirkət qarşıya kifayət qədər "təcavüzkar" məqsədlər qoyub, belə ki, yığımların 40 faizədək artırılması nəzərdə tutulub. Hesab edirik ki, bu məqsədə çatmaq üçün ciddi potensiala malikik", - şirkətin idarə heyəti sədrinin köməkçisi Hikmət Allahverdi bildirib.
"Başak-İnam Sığorta Şirkətinin səhmdarları Türkiyənin "Groupama Sigorta AŞ" şirkətidir. "Başak-İnam" 1996-cı ildən fəaliyyət göstərir, sığortanın 31 növü üzrə xidmətlər göstərir. Şirkətin nizamnamə kapitalı 3,2 milyon manatdır.
Yanvarın 26-na rəsmi məzənnə 0,7974 AZN/USD təşkil edir.
