Azərbaycan, Bakı, 7 fevral /Trend, müxbir E.İsmayılov/
İstanbul-Naxçıvan-İstanbul marşrutu üzrə reyslərin sayının artırılması planlaşdırılır. Bu barədə bazar ertəsi Türkiyənin "Zaman" qəzeti "Türk Hava Yolları" şirkətinin Naxçıvan Muxtar Respublikasındakı nümayəndəliyinin rəhbəri Göyxan Hacıibrahimoğluna istinadən məlumat verib.
Marşrut üzrə uçuşları "Türk Hava Yolları"nın törəmə şirkəti olan "Anadolujet" həyata keçirir.
Onun sözlərinə görə, yay mövsümündə uçuşlar həftə üç dəfə, qışda isə iki dəfə həyata keçirilir. Yayda reyslərin dolması 90 faiz, qışda isə 60 faiz təşkil edir.
Bu marşrut üzrə aviauçuşlar artıq yeddi aydır həyata keçirilir. Bu müddət ərzində 17 min adam daşınıb.
"Məqsədimiz uçuşları gündəlik təşkil etməkdir", - Hacıibrahimoğlu qeyd edib.