...

DB Azərbaycanda "Məcburi köçkünlərin iqtisadi inkişafına yardım" layihəsinin icmalını aparacaq

Biznes və iqtisadiyyat xəbərləri Materials 28 Fevral 2011 12:32 (UTC +04:00)

Trend-i buradan izləyin

Azərbaycan, Bakı, 28 fevral /Trend, müxbir N.İsmayılova/

Martın 1-dən "Məcburi köçkünlərin iqtisadi inkişafına yardım" layihəsinin (IDP EDSP) reallaşdırılmasının icmalı üçün layihənin rəhbəri Coan De Berenin başçılıq etdiyi Dünya Bankının missiyasının Azərbaycana səfəri başlayır. Bu barədə bazar ertəsi bankın Bakı nümayəndəliyindən məlumat verilib.

Məlumata görə, missiya martın 13-dək Bakıda olacaq.

Layihənin birinci mərhələsinin dəyəri 12,6 milyon dollar təşkil edir. Bunun 11,5 milyon dolları DB-nin kreditinin hesabına ayrılıb. Təcrübəyə zidd olaraq, layihə üzrə vəsait bir il tez mənimsənilib, lakin inflyasiya prosesləri ilə əlaqədar nəzərdə tutulan 200 infrastruktur mikrolayihə başa çatdırılmayıb. Bu səbəbdən əlavə vəsaitlər tələb olunub. Layihənin başa çatdırılması üçün cəmi 24,19 milyon dollar ayrılıb. Bundan 9,6 milyon SDR (15 milyon dollar) DB-nin, 8,69 milyon dollar (3,69 milyon dollar məbləğində ƏDV nəzərə alınmaqla) ölkə hökumətinin payına düşür.

Layihə çərçivəsində 108 min məcburi köçkün mənfəət əldə edəcək.

Dünya Bankı Azərbaycanda məcburi köçkünlərin dəstəklənməsi üçün cəmi üç kredit ayırıb. 10 milyon dollar məbləğində birinci kredit 2001-ci ildə ayrılıb. Həmin vəsaitlərin hesabına məcburi köçkünlərin müvəqqəti sıx yaşadıqları yerlərdə infrastrukturun bərpası üzrə 192 mikrolayihə maliyyələşdirilib. Bu layihədən 170 min nəfər mənfəət əldə edib.

2009-cu ildə Azərbaycanda 1700 ailə (6500 məcburi köçkün) yeni qəsəbələrdə evlə təmin olunub. Məcburi köçkünlər probleminin həllinin prioritet olduğunu nəzərə alaraq, bu tədbirlərin maliyyələşdirilməsi 2010-cu ildə də davam etdiriləcək.

Xəbər lenti

Xəbər lenti