İranın Sistan və Bəluçistan əyalətində beş yeni qızıl və mis mədəni kəşf olunub. Bunu İranın Sistan və Bəluçistan əyaləti üzrə Sənaye və mədənlər təşkilatının sədri Namavər Cəhromi deyib. Bu barədə Trend İranın ILNA xəbər agentliyinə istinadən məlumat verir.
O əlavə edib ki, əyalətin Bəzman rayonunda qızıl, Zabildə qızıl və mis, Xaristanda mis, Təftanın Siyah Cəngəl ərazisində qızıl, Zahidanda isə qranit bəzək daşları kəşf olunub və yaxın gələcəkdə istifadəyə veriləcək.
O qeyd edib ki, Sistan və Bəluçistan əyalətində 18 mədəndə kəşfiyyat işlərinin aparılması üçün 175 milyon 600 min dollar sərmayə yatırılıb. "Həmin mədənlərdən 16-sı 2012-ci ilin əvvəlinə kimi istifadəyə veriləcək", - Cəhromi deyib.
